A Ferreria gozou do jazz máis puro da man de Antonio Sánchez que está considerado como un dos baterías e compositores de jazz máis destacados da súa xeración.
Empezou a tocar a batería con só cinco anos. Obtivo o título de piano no Conservatorio Nacional de México e posteriormente graduouse en estudos de jazz na "Berklee School of Music" de Boston.
Ten colaborado con músicos de enorme sona, como Pat Metheny (con quen gravou oito discos, incluíndo tres galardoados cos Premios Grammy) Chick Corea, Charlie Haden, Gary Burton, Joshua Redman, Paquito D`Rivera, Dee Dee Bridgewater, Dianne Reeves ou Michael Brecker, entre outros.
Ademais, liderou os seus propios proxectos desde o ano 2007, lanzando ao mercado catro álbums con composicións propias, que obtiveron magníficas críticas. No ano 2013 foi fichado por Alejandro González Iñárritu, para compoñer a banda sonora orixinal da película Birdman, a cal foi galardoada en 2016 co premio Grammy. En 2015 publicou The Meridian Suite co seu grupo habitual, Migration.
En Pontevedra, Antonio Sánchez estivo acompañado de Seamus Blake (saxos), John Escreet (piano), Matt Brewer (baixo) e Thana Alexa (voz).