cultura

Revenidas redondea o seu cartel con 13 novas confirmacións

O Salnés
22 de xuño 2023
PontevedraViva

Bandas como Tremenda Jauría, Zetak, La Regadera ou os galegos The Rapants e Familia Caamagno súmanse ao cartel do festival arousán, no que xa figuraban grandes nomes da talla de Ska-P, Zoo, Desakato, Heredeiros da Crus ou Los Chikos del Maíz

Imaxe promocional de The Rapants
Imaxe promocional de The Rapants / The Rapants

O Festival Revenidas completa o seu cartel, ou case, para a edición que terá lugar o próximo mes de setembro en Vilaxoán, entre os días 7 e 10.

Ata 13 novas confirmacións redondean os concertos anterioremente anunciados.

Trátase de bandas como Tremenda Jauría, Zetak ou La Regadera xunto a grupos galegos como The Rapants ou Familia Caamagno. Ademais súmanse a Revenidas Xosé Lois Romero e Aliboria, Hydm, Sheila Patricia, Nativa, Mondra, La Yaya DJ, Kris K DJ e a proposta infantil de Uxía Lambona e a Banda Molona.

Esta batería de confirmacións súmanse a un festival que xa contaba con grandes nomes, cos únicos concertos en Galicia de Ska-P e Zoo, ademais de Desakato, Heredeiros da Crus, Dakidarría, Los Chikos del Maíz, Ana Tijoux, Sara Hebe, Rodrigo Cuevas, Tropa do Carallo, K1ZA, O Rabelo, Arrythmia, Rebeliom do Inframundo, The Skarnivals, Lamatumbá, Fillas de Cassandra e Me Fritos and The Gimme Cheetos.

Os abonos para o Revenidas 2023 están á venda na web www.revenidas.com, a un prezo de 57 euros máis gastos de xestión.

 

Máis novidades