Hai apenas uns meses Sidecars era protagonista en Karma, e en pouco tempo deron o salto cara a un masivo concerto nas Festas da Peregrina.
A só uns metros da coqueta sala pontevedresa, a formación madrileña subiu ao escenario da Praza de España para tentar levar a súa proposta rock ao gran público que enchía o lugar.
E vaia se o conseguiu, cunha notable lexión de fans Sidecars fixo repaso da súa carreira musical e presentou o seu último traballo, Cuestión de Gravedad.
Tras esta cita, só queda que Mocedades e a Banda de Música de Salcedo poñan o broche final este domingo á programación musical da Peregrina 2018.