Os organizadores do Surfing the Lérez anunciaron este luns as datas nas que se celebrará o Festival, serán o venres 6 e o sábado 7 de xuño.
Deste xeito adiántase no calendario a celebración desta romaría urbana pontevedresa que o ano pasado tivo lugar os días 14 e 15 de xuño.
Aínda que non explicaron os motivos, o máis probable é que a organización evite coincidir co Mundial Multideporte de Pontevedra 2025, que se celebrará entre o 20 e o 29 de xuño.
A Illa das Esculturas volverá ser, un ano máis, o escenario do festival máis familiar dos que se organizan en Galicia e reunirá a miles de persoas para gozar da súa oferta musical.
O cartel do Surfing the Lérez 2024 irase coñecendo ao longo das próximas semanas.
En 2024 foi a edición máis multitudinaria e actuaron no festival artistas e bandas da talla de iños Mutantes, The Rapants, Terbutalina, Joe Crepúsculo, Ortiga, Nena Daconte, Juno, Grande Amore ou Boyanka Kostova.
Nesta ocasión será a edición número trece desta romaría urbana, familiar, solidaria, inclusiva e gratuíta.