Catro propostas cinematográficas chegadas de Arxentina e de diferentes puntos do Estado foron seleccionadas para participar no #LAB, o espazo para promover o desenvolvemento de proxectos de cinema internacionais.
'La Unión', de Cordelia Alegre; '¿Cuándo aterrizarás?', de Pablo García Canga; 'Los cuadernos del perro', de Ingrid Pokropek e 'Serra da Estrela', de Carlos Martínez-Peñalver son os catro proxectos escollidos, que se atopan en diferentes fases de elaboración, para que un comité de asesoramento aporte ideas para a posta en marcha destas iniciativas no marco da cuarta edición de Novos Cinemas - Festival Internacional de Cine en Pontevedra, que se celebrará entre o 10 e o 15 de decembro en Pontevedra.
O equipo asesor atópase formado pola consutora chileno-francesa, crítica e xornalista de cinema Pamela Biénzobas; a cineasta e profesora Virgina García del Pino; o director e guionista Alfonso Zarauza; e Gemma Vidal, a responsable de La Incubadora de The Screen.
Estes especialistas ofrecerán consellos atendendo a súa experiencia para que os catro proxectos poidan realizarse no terreo do cinema independente, que se promove en Novos Cinemas.