Unha xornada de aceptación e diversidade con "Pum, pum. Quen hai?" en Domingos do Principal

Segunda xornada do ciclo Domingos do Pincipal, no Teatro Principal de Pontevedra.

Tras estrear a súa edición de 2025 o pasado 2 de febreiro, este domingo subía ás táboas do teatro pontevedrés a compañía viguesa Ártika.

A súa proposta para o público familiar era a obra "Pum, pum. Quen hai?".

Unha comedia musical que presentaba a historia de Gaia, unha nena que guiaba ao público polos xogos tradicionais do seu pobo, abordando temas como a diversidade e a aceptación do diferente.

Unha xornada con dobre representación e que encheu as butacas do teatro.

Domingos do Principal terá continuidade o próximo 16 de febreiro con 'Kioki', da compañía Elefante Elegante.

Trátase dunha representación centrada en temas como o esquecemento, a vellez e a soidade tratadas con moita sensibilidade recomendada para nenos e nenas a partir dos 6 anos de idade.

Será tamén en dúas funcións, como é habitual, ás 12.00 e ás 18.30 horas.