400 novas promesas do salvamento danse cita en Pontevedra

Case dúas décadas despois, Pontevedra volveu a acoller unha competición galega de salvamento.

Trátase, concretamente, do Campionato Galego de Piscina Categorías Base de Salvamento e Socorrismo, que se celebrará até este domingo no complexo deportivo Rías do Sur de Ponte Muíños coa participación de preto de 400 deportistas.

A proba, destinada a nenos de base categorías desde alevín a xuvenil, dividiuse en dúas xornadas dobres en horario de 10.00 a 13.00 e de 16.30 a 19.30 horas.

Na primeira, celebrada este sábado, competiron os deportistas de categoría cadete e xuvenil, mentres que o domingo será a quenda dos alevíns e infantís.

En total son 13 clubs os que participan no evento: Club Salvamento Socorrismo Carballo – SYSCA, Club Acuático Umia, Club Salvamento Acuático Pontevedra SAPO, P.C. Salvamento Sanxenxo, Club Salvamento Acuático Laracha SAL, Club Natación Cerceda ,Club Salvamento Sada SASA, Club Salvamento Arteixo SALVAR, Club Natación e Salvamento A Estrada, Club Salvamento Vilagarcía Club Natación Santa Comba LB, Club Salvamento Ourense SALVOUR e Club Salvamento A Coruña CORSAL.