Bo papel do Gimsport de Pontevedra no Campionato Galego Infantil de Kárate.
Seis deportistas representaron o club pontevedrés na competición celebrada no Barco de Valdeorras, con presenza de 400 participantes de 32 clubs.
Vera Quintás García e Ariadna Álvarez Guadarrama lograron colgar o ouro en kata benxamín e kata alevín respectivamente, mentres que Áxel Gil Losada en kata alevín e Mateo Quintás García en kata infantil proclamáronse subcampións galegos.
Por último Borja González Puga e Álvaro Sánchez Suárez lograron o bronce na modalidade de kumite.
Uns resultados que enchen de confianza ao Gimsport ante próximos retos como o Campionato de España Infantil que se celebrará en abril en Guadalaxara.