Preto de 600 atletas, ademais dos deportistas de categorías inferiores, tomarán a saída o próximo domingo 12 de abril na III Carreira Pedestre de Monte Porreiro Gran Premio UNED.
A proba, segunda no calendario do Circuíto de Carreiras Populares de Pontevedra (CCCP), continúa crecendo cunha participación que case se dobra con respecto ao pasado ano.
O circuíto, de 8 quilómetros, será o mesmo que na edicións anteriores, con saída e chegada dende o Mirador ás 12:00 horas.
O número de inscritos para o CCCP tamén incrementouse a estas alturas, con 381 anotados.
A Carreira Pedestre de Monte Porreiro presentouse este martes na sede pontevedresa da UNED, revelando a Asociación de Veciños MIrador que a cita servirá de homenaxe a José Ramallo, un dos impulsores da proba deportiva e que atravesa un delicado momento de saúde.