A Sociedad Deportiva Teucro debutou este xoves na Copa Galicia de balonmán nos cuartos de final da competición, nos que superou o Chapela a domicilio de maneira clara (26-38).
Os azuis cimentaron o triunfo nunha boa primeira metade (10-21), na que Luís Montes explicou que "estivemos moi ben tanto en ataque como en defensa e conseguimos romper o partido".
Tras o descanso o choque "volveuse máis feo", sinalou o técnico azul, satisfeito con todo coa imaxe do seu equipo, que se clasifica así para a final a 4 da competición autonómica que se disputará no Rosal.
Tras este partido, o Teucro afronta agora a cita máis esixente da súa pretempada visitando o sábado o Ademar na presentación do equipo leonés ante o seu público.