Máis aló da renovación de atletas e de novas altas, a Sociedad Gimnástica de Pontevedra traballou nos últimos meses noutros acordos co obxectivo de reforzar aos seus equipos durante a tempada que acaba de comezar.
En concreto a entidade que preside Charo Castro pechou acordos de filialidade con outras catro entidades galegas.
Desta forma o ADAS Proinor do Barco de Valdeorras pasará a ser equipo filial do conxunto masculino, que milita na División de Honra, mentres que en categoría feminina (Primeira Naciona) ese papel representarao o Club de Atletismo Sada coruñés.
Ademais en ambos os sexos a Gimnástica terá vinculación co Club San Miguel de Marín e o CD Ría de Arousa.
O acordo contempla ademais que en categoría máster será a Gimnástica a que ceda aos seus atletas, converténdose en filial do ADAS Proinor en categoría masculina e do Clab Atletismo Sada feminino.