A actividade das escolas deportivas viuse irremediablemente afectada pola actual situación sanitaria, pero moitos clubs fan o imposible por manter a súa actividade.
É o caso da Sociedad Gimnástica, que reformulou a súa escola de atletismo para adaptala á normativa e restricións da COVID.
En primeiro lugar faio deixando de lado os adestramentos no Pavillón Municipal, xa que toda a súa actividade desenvolverase este curso ao aire libre na pista do Centro Galego de Tecnificación Deportiva.
Trátase dunha nova escola dirixida a nenos e nenas entre 7 e 15 anos de idade que poderán adestrar dous días cada semana, cunha hora de actividade cada xornada.
Segundo informa o club, crearanse grupos de 20 nenos por cada monitor, aínda que debido ás restricións sanitarias dividiranse e alternarán en días xa que na actualidade non poden formarse grupos superiores a 10 persoas.
Por último, a Gimnástica explica que se manterá en todo momento o distanciamento social e que o uso da máscara será obrigatorio.