Apenas se iniciou a tempada para o Pontevedra Club de Fútbol na Primeira RFEF, pero chega a quenda xa dun dos desprazamentos máis esperados pola afección granate, a vista ao Estadio Municipal de Riazor para medirse ao Real Club Deportivo coruñés (domingo 18 de setembro, 19.00 horas).
Para asistir ao encontro e poder presencialo rodeado de seguidores pontevedreses, o club da Boa Vila habilitou este martes a venda de entradas nas súas oficinas de Pasarón, a un prezo de 15 euros tal e como se acordou no seu momwnto entre varios clubs da categoría.
Para adquirir os billetes é necesario dar nome completo, DNI e correo electrónico de cada asistente.
Ademais o Pontevedra acompaña esta venda de entradas coa organización dun desprazamento en autocar, que custará 10 euros, con saída ás 11.00 horas da mañá do domingo desde o Pavillón Municipal dos Deportes e regreso á conclusión do encontro, aínda que é posible adquirir billetes sen apuntarse ao autobús.
En ambos os dous casos as xestións poden realizarse nas oficinas de Pasarón de martes a venres en horario de 9.00 a 19.00 horas.