A Sociedad Deportiva Teucro xa ten data para presentar o seu novo proxecto ante a súa afección. Será o mércores 27 de agosto cun torneo triangular.
Tras os compromisos de Copa Galicia, esta cita será o primeiro compromiso de pretempada dos azuis no Pavillón Municipal dos Deportes.
Trátase do ABC Braga portugués e do Calvo Xiria de Carballo, dous rivais que poñerán a proba os de Quique Domínguez 17 días antes do inicio da División de Honra Prata.
O Braga foi terceiro a pasada campaña na competición lusa, mentres o conxunto carballés militou na Primeira Nacional, quedando a un paso do ascenso de categoría.
A entrada ao triangular será de balde para o público.