Tres taekwondistas do ximnasio pontevedrés Mace Sport participaron a pasada fin de semana en Burgos no campionato de España universitario.
Na cidade burgalesa, Adrián Pan proclamouse campión nacional na categoría de -74 quilos despues de superar tres duros combates. Trátase do primeiro título de ámbito nacional que consegue o deportista do club pontevedrés que, nesta ocasión, competiu en representación da Universidade de Vigo.
Este título ábrelle a porta do mundial universitario que se celebrará en agosto en China.
Doutra banda, as súas compañeiras de equipo Sara Cortegoso e Uxía Ogea conseguiron unha medalla de prata e unha de bronce, respectivamente.