O Poio Pescamar continúa coa planificación da próxima tempada e renovou a unha das pezas máis importantes do persoal.
Trátase da internacional Ale de Paz, que vestirá a camiseta vermella por sexta tempada non consecutiva debido a que regresou hai un ano para iniciar a súa segunda etapa.
A xogadora de Neda é a futbolista con máis títulos do Poio Pescamar. É dobre campioa de Europa e levantou tres das catro Copas Galicia da entidade conserveira. Disputou 39 dos 40 partidos nos que foi convocada no pasado curso, sendo titular en 32.
Con 13 tantos e 8 pases de gol, concluíu a campaña como terceira máxima anotadora e segunda mellor asistente (igualada con Laura Uña) do equipo. En liga asinou 12 goles, mentres que o outro o selou na Supercopa.