deportes

Alejandro Muñiz estreará a súa terceira tempada na elite arbitrando o Barcelona-Cádiz

Pontevedra

17 de agosto 2023

Diego Espiño

O colexiado pontevedrés, recentemente ascendido a categoría internacional, foi designado para dirixir o encontro do próximo domingo 20 de agosto no Olímpico de Montjuïc. Será a terceira ocasión na súa carreira que arbitre o Fútbol Club Barcelona

Alejandro Muñiz, no partido entre Barcelona e Elche no Camp Nou

Estrea de tempada para Alejandro Muñiz Ruiz, colexiado pontevedrés que por terceiro curso consecutivo arbitrará na Primeira División española.

O cadrelo, recentemente promocionado á categoría de internacional, lucirá por primeira vez esa etiqueta na segunda xornada de liga na máxima categoría.

Farao ademais impartindo xustiza ante un dos grandes do campionato, xa que o Comité Técnico de Árbitros designouno para o encontro que o vindeiro domingo 20 de agosto (19.30 horas) enfrontará ao Fútbol Club Barcelona co Cádiz, no Estadio Olímpico de Montjuïc.

ÁRBITROS | Estos son los colegiados designados para la jornada en la Temporada 2023/24 de División.

Designaciones completas: https://t.co/m0zkn4NPWD #ArbitrajeRFEF | @CTARFEF pic.twitter.com/gCZdJquYmS
— RFEF (@rfef) August 17, 2023

Será a terceira ocasión que Muñiz Ruiz arbitre o Barcelona. As anteriores concluíron con triunfos blaugranas fronte ao Elche (3-0) e Girona (0-1).

Nas dúas tempadas como árbitro de Primeira División o pontevedrés dirixiu xa un total de 37 partidos na elite, ademais das súas intervencións no vídearbitraje (VAR).

Máis novidades