Suspensión da actividade deportiva federada no exterior en boa parte de Galicia debido ás altas temperaturas.
A Secretaría Xeral para o Deporte da Xunta de Galicia comunicou a decisión de suspender as actividades deportivas este luns 4 de agosto, dando continuidade á xornada do domingo.
A medida en todo caso podería ampliarse tamén ao martes día 5 ao persistir a vaga de calor, con alerta laranxa prevista esa xornada na provincia de Pontevedra.
Espéranse de feito temperaturas de até 37 graos tanto nas Rías Baixas como en concellos do interior.
En concreto, toda a comarca de Pontevedra está afectada por esta decisión, especificando que terá efecto en: Barro, Bueu, Caldas de Reis, Cambados, O Grove, Marín, Meaño, Meis, Pontevedra, Portas, Poio, Ponte Caldelas, Ribadumia, Sanxenxo, Soutomaior, Campo Lameiro, Cuntis, Cerdedo-Cotobade, A Lama e Moraña.
En principio a prohibición cinguíase á actividade no exterior, pero finalmente ampliouse a calquera actividade, incluídos recintos como pavillóns.
⚠️ Suspendida a actividade deportiva federada no exterior durante o 4 de agosto nos concellos indicados nestas áreas:
— Deporte Galego (@deporte_galego) August 4, 2025
✔️ Suroeste de A Coruña
✔️ Ourense
✔️ Rías Baixas
✔️ Interior de Pontevedra pic.twitter.com/suCfTFmNtu