O deporte non se libra dos intentos de estafa que proliferan nos últimos tempos a través de mensaxes recibidas a través de diferentes vías, por exemplo mediante o teléfono móbil ou o correo electrónico.
Nesta ocasión a que lanzou unha voz pública de alarma foi a Federación Galega de Ciclismo.
A entidade deportiva tivo constancia dun intento de engano a través de mensaxes SMS de texto que chegan ao teléfono particular.
Así o fixo saber confirmando que se trata dun engano.
Asegura a Federación que se recibiron SMS co remitente de 'BonoDepu' anunciando unha suposta concesión dunha axuda económica de 100 euros para usar como bono deportivo.
Trataríase dun bono a semellanza dos implantados en diferentes ámbitos pola Xunta de Galicia, cuxo Bono Deporte servía para a adquisición de material de deporte ou para custear a contratación de servizos relacionados coa práctica da actividade deportiva.
Neste caso, alerta a Federación Galega, o SMS en cuestión inclúe un enlace ao que non se debe de acceder, ao tratarse dunha estafa.
Explica a federación que este engano "se vén rexistrando nas últimas horas", polo que piden extremar as precaucións.
⚠️ Calote do Bono Deportivo por SMS
— F_Galega de Ciclismo (
➡️ A través de mensaxes de texto informar dá concesión dunha axuda económica
🔗 https://t.co/hlj7srrX2w pic.twitter.com/jZ6CS7HIuQF_Gal_Ciclismo) March 5, 2025
Engade Pontevedra Viva como fonte preferida de Google de balde
Mantente informado coas últimas noticias de actualidade.