O Pontevedra Club de Fútbol iniciou este xoves a súa programación de visitas a centros escolares da cidade.
Fíxoo no CEIP Praza de Barcelos, onde acudiron dous dos pesos pesados do primeiro plantel granate, o capitán Álex González, e Dalisson de Almeida.
Ambos os dous futbolistas responderon preguntas e compartiron as súas experiencias con 150 escolares de entre 8 e 11 anos.
Ademais repartiron invitacións para acudir ao próximo partido de liga en Pasarón, o que medirá ao Pontevedra co Rayo Cantabria o domingo 5 de novembro (17.00 horas).