Dous representantes da arbitraxe pontevedresa foron seleccionados para participar na fase de ascenso a Primeira RFEF, recompensando o seu bo facer ao longo da tempada.
Trátase do colexiado principal Álvaro Juncal Moreira e do asistente Sergio Doval Gil.
No caso de Juncal, aos seus 25 anos, trátase só da súa terceira tempada na Segunda RFEF, categoría na que dirixiu ata a data 38 encontros.
Ademais o Comité Técnico de Árbitros (CTA) seleccionou tamén a tres galegos máis, Jesús López Fernández (Lugo), Eugenia Gil Goriano (A Coruña) e o asistente Álvaro Gil Soriano (A Coruña).
Os colexiados galegos forman parte dos 34 árbitros seleccionados para dirixir as eliminatorias do play-off durante as próximas semanas.