Día especial para Antía Chamosa no Campionato de España de marcha celebrado este domingo en Zaragoza, unha cita decisiva para a clasificación dos atletas españois para os Xogos Olímpicos de París.
A proba adxudicou ademais unha praza directa para o Campionato de Europa que se celebrará en Roma entre o 7 e 12 de xuño.
A atleta da Sociedad Gimnástica de Pontevedra competiu na carreira dos 20 quilómetros, onde demostrou o seu gran estado de forma logrando un quinto posto cun crono de 1.31:41 segundos, tempo que lle outorga a mínima da Federación Española para competir na capital italiana.
Por diante da pontevedresa quedaron Cristina Montesinos, Laura García-Caro e Raquel González, que lograron a mínimo olímpica para os Xogos Olímpicos. A primeira cun tempo de 1.28:42, a segundo de 1.29:02 e a terceira de 1.29:06. O cuarto posto foi para Paula Juárez (1.29:51).
O seu irmán Dani Chamosa e atleta da Sociedad Gimnástica tamén realizou un gran papel na carreira masculina de 20 quilómetros marcha, cruzando a liña de meta en undécima posición cun crono de 1.23:57.