Tres puntos máis para o Arosa despois de remontar un gol en contra de Cambón nos primeiros minutos de partido. Compa fixo un dobrete, e entre Rivera e Torrado encargáronse de asinar a goleada por 1-4 ante o Somozas.
O encontro arrincou cun ritmo altísimo e co conxunto local adiantándose aos catro minutos de xogo cun tanto de Cambón tras gañar o man a man con Álex Vila.
Oito minutos máis tarde, o equipo de Míchel Alonso devolveu as táboas. Compa recibiu só e desde media distancia bateu por arriba a Casillas, que nada puido facer para deter o esférico.
Estaba a xogar ben o Arosa e demostrouno movendo novamente o marcador. No 21, Luís Castro, desde a liña de fondo, puxo un pase atrás cara a Rivera, que sacou un gran disparo para aloxar o balón no interior da rede.
Antes do descanso, o Somozas buscou o gol do empate, pero se topou co muro de Álex Vila que impediu calquera intento rival.
Despois do paso polos vestiarios o conxunto arlequinado continuou sometendo ao seu rival e puido, por medio de Iñaki, ampliar a diferenza, pero o seu chute foise desviado.
Un minuto despois, con todo, o Arousa acertou. O extremo cedeu a Compa, e este subiu o 1-3 ao marcador.
Finalmente, o gol decisivo chegou no minuto 84 por medio de Torrado, que cruzou o balón no segundo pau para facer tanto da sentenza.
BARBADÁS 2-0 VILLALONGA
O Villalonga, pola súa banda, segue sumido na mala serie de resultados despois de caer por 2-0 ante o Barbadás.
O conxunto ourensán sentenciou no primeiro tempo cun gol de Fernando Iglesias aos 12 minutos e outro de Joao, de penalti, pasada a media hora de xogo.
Consulta a acta neste enlace