Este fin de semana arrancan as ligas galegas de waterpolo, nas que por primeira vez o Club Waterpolo Galaico Pontevedra participará con sete equipos nas diferentes categorías.
O club pontevedrés contará con dous equipos alevíns, un infantil, o cadete, absoluto feminino, absoluto mixto de 2ª División e o absoluto masculino de 1ª División.
A máxima categoría autonómica contará de novo con seis clubs: CW Galaico Pontevedra, CN Coruña, CW Santiago, Marina Ferrol, RCN Vigo e Asociación Coruñesa de Waterpolo.
A competición iníciase este sábado 11 de outubro cunha reedición da última final de liga e a recente supercopa, un partido entre o Galaico e o CN Coruña na piscina do Centro Galego de Tecnificación Deportiva.
Os catro primeiros clasificados na liga regular accederán ao play-off polo título, no que se repartirán dúas prazas para o Campionato de España de 3ª División, fase de ascenso a 2º Nacional.