En 2012 tivo que renunciar ao ascenso por motivos económicos, pero o equipo feminino da Sociedad Gimnástica volve á carga co obxectivo de subir a Primeira División.
A Real Federación Española de Atletismo confirmou a Soria como sede da final da Segunda División, na que as pontevedresas se clasificaron co segundo mellor rexistro do estadillo de marcas.
Na localidade castelán-leonesa loitarán por ocupar unha das dúas prazas que lle empurrarían a Primeira.
Segundo o publicado polo ente federativo, finalmente os rivais da Gimnástica en Soria serán: Lucus, Vila de Cangas, Vélez de Málaga, Bahía Algeciras, Hinaco Monzón de Huesca, Perciania-Extremadura e Correr el Garvi de Valencia.
A competición con estes oito clubs desenvolverase o próximo domingo 14 de xuño.