A Gimnástica non puido liderar, como os últimos anos, o medalleiro do Campionato Galego Absoluto en Pista Cuberta celebrado na Coruña.
O club pontevedrés viu minguado o seu potencial ao coincidir o evento coa Copa do Rei de Atletismo en San Sebastián, a onde acudiu o seu equipo masculino.
Malia iso as rapazas da Gimnástica tiraron do carro sumando cinco das sete medallas do club.
Rocío Rodríguez foi a única gañadora ao impoñerse nos 1.500 metros, mentres Barca Toba (3.000 metros) e Clara Gil (pértega) foron prata e Sandra Carballo (peso) e Inés Martínez (pértega) bronce.
Completaron os podios para a entidade lerezana Ángel Vargas cun segundo posto nos 400 metros lisos e David Rocha cun terceiro en peso.
Ademais, no Campionato Galego Promesa a Gimnástica sumou tres ouros, 4 platas e un bronce, sendo a máis laureada Paula Martín con catro medallas grazas a un ouro en lonxitude e tres platas (pértega, 50 metros e 200 metros).
Tamén lograron metais nesta categoría Inés Martínez (ouro en pértega e prata en altura), Rocío Rodríguez (ouro en 1.500 metros) e Cristina González (bronce en 1.500 metros).