O equipo feminino do Club Waterpolo Pontevedra proclamouse a pasada fin de semana campión da Copa Galicia. No campionato, celebrado na piscina Rosario Dueñas de Ourense, participaron catro equipos, entre eles dous persoais do CW Pontevedra, que conta nas súas filas con xogadoras do CW Pavillón Ourense.
Aínda que a vitoria foi para o equipo A, desde o club móstranse moi satisfeitos co rendemento de ambas as escuadras. "Ambos os grupos competiron e creceron durante o campionato, cunha gran experiencia e asumindo responsabilidades xogadoras que habitualmente non o fan, cun gran campionato por parte das 21 mozas que puideron xogar a fin de semana", sinalan desde a entidade lerezana.
Mentres que o equipo A venceu con claridade os seus tres partidos, o B só puido sumar un empate fronte ao CW Coruña Rías Altas e perdeu contra o CW Santiago e o CW Pontevedra A.