Máis aló do dobre compromiso amigable do equipo senior de Liga Feminina 2, o Torneo Cidade de Pontevedra organizado polo Arxil converteuse nunha festa do deporte de base.
Así se viviu a competición nos pavillóns Municipal e Universitario durante o primeiro día de competición, completando o domingo o torneo os últimos partidos no Centro Galego de Tecnificación Deportiva.
Equipos de categorías infantil, cadete e junior foron os verdadeiros protagonistas da edición XXII do evento deportivo co que o Arxil dá a benvida ao novo ano.
En canto aos partidos do cadro senior, o importante tanto para as locais como para o Vagos portugués, equipo invitado, era preparar a súa volta á competición tras o parón do Nadal.