Alegría desbordada en Bueu por un logro histórico para o Bueu Atlético Balonmán.
Por primeira vez na súa historia un dos seus equipos coouse entre o oito mellores de España.
Conseguiuno o conxunto infantil feminino, ao brillar nun dos sectores do Campionato de España, no que ademais actuaban como locais.
Por iso, con toda a súa afección apoiando, o triunfo resultou aínda máis especial.
O equipo adestrado por Roque Arias conseguiu o primeiro posto do seu grupo e por tanto accede á fase final que se disputará entre o 28 de maio e o 1 de xuño.
Os outros sete equipos clasificados son: SAR Rodavigo, AtticGo Elche, Handbol Gavà Blau, Eskubaloia Basauri, AEH Les Franqueses, IFEM Córdoba Balonmano e Handbol Sant Vicenç.
No sector, para lograr a clasificación, o Bueu Atlético superou na primeira xornada o CB Tahiche (31-25) e na segunda o Dominicos (34-32) con remonta incluída que lles garantía xa o primeiro posto antes da última xornada EKA Malkaitz fronte ao (24-24).
"Por primeira vez na historia un equipo de Bueu entre os 8 mellores equipos de España. Non hai palabras para describilio", recoñeceu o propio Bueu Atlético nas súas redes sociais.
Non é para menos a alegría, e gañaron o dereito a seguir soñando en grande.