As saídas de Marko Dzokic e Xurxo Rivas deixaron o Teucro sen dous dos seus máximos referentes para a próxima tempada. Por eso o novo proxecto teucrista quixo atar a outro dos seus líderes na pista.
O brasileiro Caue Herrera seguirá unha tempada máis vestindo a camiseta do vicedecano do balonmán nacional.
O pivote, clave polo seu traballo defensivo combinado coa achega ofensiva, afrontará desta forma o seu cuarto curso completo en Pontevedra.
Cabe lembrar que Caue aterrou en febreiro de 2020 no Teucro, aínda na División de Honra Prata, continuou no equipo un ano máis na segunda categoría e tamén o fixo tras o descenso a Primeira Nacional.
Coa renovación de Caue Herrera pasan a ser seis os xogadores confirmados polo Teucro para a próxima tempada xunto aos tamén renovados Dani Pintus, Rhuan Marchete, Eloy Krook e Miguel Monteagudo e o fichado Sergio Wagner.