O Pontevedra Club de Fútbol xa ten ao seu primeiro reforzo no mercado invernal de fichaxes.
A entidade granate confirmou a incorporación "até final de tempada" de Álvaro Pérez, defensa central valenciano de 29 anos cunha dilatada carreira en Segunda B e Segunda RFEF.
Ademais competiu o tres últimas campañas en Primeira RFEF no Intercity, acumulando 75 partidos na categoría.
De feito atopábase sen equipo tras desvincularse no verán da entidade alacantina, na que competiu as últimas tempadas.
Antes pasou por equipos como Socuéllamos, Guijuelo, Valencia Mestalla e Hércules.
Coa súa chegada o Pontevedra cobre a baixa de longa duración de Juanra, pola súa grave lesión de xeonllo, e que deixara tocada á liña defensiva.
Asegura o club granate que con esta incorporación suma "experiencia e solidez defensiva para afrontar o tramo decisivo da tempada".
Está previsto que o defensor se incorpore aos adestramentos ás ordes de Rubén Domínguez o vindeiro mércores 7 de xaneiro.