Sexta baixa no Club Cisne Balonmán para a próxima tempada.
Nesta ocasión trátase ademais dun dos xogadores de máis peso no equipo o último curso, ata o punto de ser o seu máximo goleador e o noveno máximo artilleiro da División de Honra Prata.
João Ferreira poñerá fin á súa etapa no Cisne despois de uuna única campaña.
O lateral esquerdo portugués aterrou o pasado verán en Pontevedra procedente de Os Belenenses, e marcha tras anotar 142 goles en 30 partidos de liga (4.73 de media por encontro).
Ferreira únese desta forma á lista de saídas no Cisne que completan Iván Calvo, Xoán Fernández, Víctor Fernández, Álex López e Santiago Bedoya.