O Club Cisne Balonmano clasificouse para a final da Copa Galicia despois de superar ao OAR Coruña por 29-34 no Polideportivo Municipal Novo Mesoiro.
O conxunto local, recentemente ascendido a División Honra Prata, puxo contra as cordas aos brancos durante a primeira metade, o que se traduciu nun marcador en igualado ao descanso (17-17).
Despois do paso polos vestiarios, o Cisne reaccionou, apontoou a defensa e tomou a dianteira cun importante colchón de catro tantos (24-28).
A pesar de que o OAR Coruña tratou de meterse de novo no partido, o equipo lerezano aguantou o resultado até facerse co triunfo final por 29-34.
Cabe destacar que o arranque oficial do curso para o Cisne será o 14 de setembro fronte ao equipo coruñés.
Pola súa banda, a próxima cita de pretemporada está fixada para o xoves 28 de agosto fronte ao Atlético Novás no Rosal.