Desde a súa reapertura, a intención da Fundación e do Concello de Pontevedra, con axuda dos clubs, é converter o Complexo Deportivo Rías do Sur de Ponte Muíños nunha referencia a nivel nacional. Por ese motivo, a organización de grandes campionatos é unha das súas metas.
Neste aspecto, a instalación pontevedresa asegurou o seu primeiro gran evento a nivel estatal de 2025.
A Real Federación Española de Natación confirmou que a Boa Vila acollerá do 28 ao 30 de marzo o Campionato de España Alevín e Infantil de Inverno de Natación Artística.
Será organizado polo Club Galaico Sincro con apóio da Federación Galega de Natación e do Concello, que asume os custos derivados do campionato.
Trátase dun evento no que o pasado ano, en Sabadell, participaron 333 nadadoras de 42 clubs nacionais.