Coincidindo coa primeira xornada de Liga 2026, a Federación Galega de Remo fixo entrega dos trofeos aos gañadores da Liga de Remo Olímpico do pasado ano, entre os que se atopaba o CR Ría de Marín.
O club marinense alzouse, ademais de co premio a mellor club xuvenil galego masculino e feminino, coa segunda praza das categorías infantil de homes e mulleres.
Con este acto, a Federación dá o pistoletazo de saída á nova tempada, que "promete moitas sorpresas no remo galego".
Esta Liga está composta por cinco regatas puntuables distribuídas desde xaneiro a decembro, nas que participan deportistas das categorías alevín, infantil, cadete, xuvenil e absoluto.
Normalmente desenvólvense no Parque Náutico de Galicia, en Castrelo de Miño, e adoitan convocar a uns 300 deportistas galegos, con clubs convidados de Asturias e Portugal.
Os marinenses prepáranse ademais para competir esta fin de semana, no que dúas tripulacións desprazaranse a Banyoles (Xirona) para participar na Open de Primavera-Regata de acceso ao equipo nacional.