Bo resultado o cultivado polos atletas da Sociedad Gimnástica de Pontevedra no Campionato de España Junior, disputado en Castellón.
O club pontevedrés terminou a competición cunha medalla de prata, de Darío Costas no decatlón, e un posto de finalista, o conseguido por Xiana Rodríguez nos 200 metros.
Darío, que defendía o título conseguido o ano pasado en Valladolid, bateu o seu record galego junior con 6.978 puntos, pero non foi suficiente para superar ao gañador, Víctor Pastor, que sumou 7.235 puntos que ademais lle deron o pasaporte para o Mundial da categoría.
O atleta galego conseguiu varias marcas persoais, con 10.81 nos 100 metros, 15.14 nos 110 metros valos, 50.17 nos 400 metros, ou 4.44.98 nos 1.500 metros. Con todo resultou decisiva a diferenza que lle sacou o seu rival en pértega e xavelina.
Pola súa banda Xiana González aspiraba a meterse na final dos 200 metros e conseguiuno ao quedar segunda da súa serie. Xa na final, os 25.82 segundos que asinou outorgáronlle a sétima praza.