É a súa primeira tempada de vida e para moitos dos seus deportistas, en especial os de categorías inferiores, supón mesmo a estrea no tríatlon.
O Motobike Galaico afronta con ilusión a súa participación na Copa do Rei e da Raíña, o Campionato de España por Remudas e o Campionato de España Escolar, competicións todas elas que se celebran esta fin de semana en Pontevedra.
O club pontevedrés participará nestes eventos cun máis de 30 triatletas, na busca de realizar un digno papel ante os clubs máis potentes de España.
Na Copa do Rei o Motobike Galaico contará con tres equipos: Un composto por Alejandro Brea, Roger Ferreira, Luís González, Antonio Rey, Román Rebanal e Rommel Orlando, outro por Diego Carro, X.A. Peón, Ángel Noriega, Manuel Vales, Óscar Barallobre e José Herves e un terceiro feminino con Esther Castro, Yolanda Escárcega, Mariña Fernández, Beth Hall, Rosalía García e Ana Pérez.
A representación do club conta con outros tres equipos para a competición escolar, compostos por: Francisco Castro, Alberto Rodríguez, Pablo García, Ramón Fernández e Manuel García (equipo 1); Jacobo Fernández, Daniel Escudero, Pedro Codina e Saúl Bouzas (equipo 2) e Águeda Cons, Martina Cons, Henar Cons, María Novo, Natalia Castro e Lucía Couso (equipo 3).
Por último, no Campionato de España por Remudas, participarán seis equipos en categoría absoluta e outros cinco na categoría escolar.