Dolorosa derrota do Poio Fútbol Sala en Alcorcón despois dun vibrante partido.
Un gol de Andrea Feijoo para as madrileñas a falta de cinco segundos para a conclusión condenou a derrota ás vermellas, que lograran remontar unha desvantaxe de dous tantos.
O Alcorcón adiantouse aos 10 minutos por medio de Vadillos e controlou o xogo na primeira metade cun Poio que buscaba a súa oportunidade á contra.
Xa na segunda metade Ana Luján facía o 2-0, momento no que as futbolistas adestradas por Gonzalo Iglesias deron un paso á fronte.
Raquel Souza aproveitou un servizo de Claudia para recortar distancias de inmediato, no 29, e seis minutos despois repetiu diana para facer a igualada.
Comezaba un novo e igualado encontro de só seis minutos que se decidiu case sobre a bucina premiando a ambición local, que xogou os últimos instantes de cinco.
Esta derrota deixa o Poio Fútbol Sala na décima posición da Primeira División con 24 puntos, aínda con 10 de vantaxe sobre a zona de descenso.
AD ALCORCÿN (3): Miriam, Cris Llanos, Isa García, Andrea Feijoo, Vadillos -cinco inicial- Ana Luján, Desirée, Leire, Cris Romero, Orive.
POIO FÿTBOL SALA (2): Silvia, Yoli, Jenny, Claudia, Charo -cinco inicial- Paloma, Raquel Souza, Nerea, Elena.
Árbitros: Iván Fernández e Víctor Manuel Gámez. Amoestaron a Paloma no Poio.
Goles: 1-0 Vadillos (min.10), 2-0 Ana Luján (min.29), 2-1 Souza (min.29), 2-2 Souza (min.34), 3-2 Andrea Feijoo (min.40).
Incidencias: Partido disputado no Pabellón Municipal Los Cantos de Alcorcón.