Só uns días despois de quedar sen opcións de acudir aos Xogos de Río, Diego Romero reivindicouse cun gran resultado na Copa do Mundo de Piragüismo.
Na mesma localidade na que se disputou o preolímpico, Duisburg (Alemaña), no que Romero foi cuarto no C-1 1.000 metros, o padexeiro vilagarcián do Breogán do Grove logrou a medalla de bronce do C-1 5.000 metros na prestixiosa competición.
Diego Romero finalizou terceiro a 30 segundos do vencedor, o moldavo Serghei Tarnovschi, mentres o alemán Ronal Verch foi segundo.
Este resultado reforza ao deportista do Breogán para os seus próximo obxectivos. Ademais do C-1 5.000 metros participou tamén nos 1.000 metros, pero ao disputarse esta proba só un día depués do preolímpico acusou o cansazo e non puido loitar polos primeiros postos.