Destacada actuación do Grupo Deportivo Supermercados Froiz no Campionato Galego Contrarreloxo celebrado na localidade coruñesa das Pontes coincidindo co Día das Letras Galegas.
Na proba masculina e cun percorrido de 20,3 quilómetros, impúxose o uruguaio Eric Fagúndez, do Aluminios Cortizo, cun tempo de 28:03 seguido do romanés Luncan Serban ( Drone Hopper). Ningún deles contabilizaba a efectos do campionato galego, polo que o título foi para o terceiro ciclista máis rápido.
Ese foi o sub-23 Raúl Casalderrey, do Froiz, ao parar o crono nun tempo de 28 minutos e 54 segundos.
Ademais o equipo pontevedrés sumou tamén unha medalla de ouro en categoría júnior feminina por medio de Laura Mira.
Completaron a representación do Froiz Aroa Otero cun cuarto posto en idade cadete con Marta Estévez en quinta posición.