O Club Natación Galaico abriu un proceso electoral para renovar a súa xunta directiva, tras a dimisión do equipo xestor encabezado por José Miguel Cano.
Tanto Cano como o resto do seu equipo presentou a súa renuncia para continuar tras a asemblea de socios celebrada o pasado venres 8 de setembro, pese que aínda faltaban dous anos para concluír o seu mandato.
A dimisión xustifícase en que "fue un año bastante tenso", recoñece o aínda presidente en funcións, debido á desconfianza dun grupo de socios que levou as contas do club ao xulgado.
Aclarado este punto en vía xudicial "decidimos echarnos a un lado y si alguien quiere que se presente", explicou a PontevedraViva José Miguel Cano, que defende a súa xestión dos últimos anos (asumiu o cargo en abril de 2013) asegurando que "las cuentas están claras. No se le debe nada a nadie".
O prazo para presentar candidaturas á presidencia do Club Natación Galaico manterase agora aberto ata o vindeiro venres 22 de setembro, estando prevista a celebración de eleccións o venres 29 de setembro de 17:00 a 21:00 horas na biblioteca do Complexo Deportivo Rías do Sur.