Jéssica Bouzas non puido repetir en Roma a experiencia sumada recentemente no WTA 1.000 de Madrid.
A tenista arousá caeu este luns na primeira rolda da fase previa do torneo romano, tamén de categoría WTA 1.000, tras verse superada en tres mangas (4-6, 6-0, 7-5) pola letona Darja Semenistaja, número 122 do rámking mundial.
Bouzas chegou a gozar de varias bólas de partido no set decisivo, pero non logrou definir o choque e terminou perdendo o partido.
Seu foi o primeiro parcial por 6-4, respondendo a súa rival cun 'rosco' no segundo set. A pesar dese golpe, Jéssica refíxose chegando a dominar no desempate por 3-5, pero non aproveitou a súa oportunidade e Semenistaja deulle a volta ao choque.
Tras o WTA 1.000 de Roma no horizonte de Jéssica Bouzas aparece xa o segundo Grand Slam da tempada e o primeiro ao que entrará por ranking directamente ao cadro final, Roland Garros.
Engade Pontevedra Viva como fonte preferida de Google de balde
Mantente informado coas últimas noticias de actualidade.