O colexio Los Sauces acolle xa, desde este luns, as primeiras partidas do IV Torneo Internacional de Xadrez Cidade de Pontevedra.
Un total de 159 xogadores de 17 países danse cita no evento, que con todo perdeu ao seu principal cabeza de serie, o ucraíno Sergey Fedorchuk, baixa de última hora ao ser retido na fronteira francesa por ter a súa documentación caducada.
A incidencia non resta nivel ao torneo, con xogadores contrastados de países como Armenia, Bulgaria, Francia, Ucraína ou Romanía e outros de países que poucas veces se prodigan por España, como Sudáfrica, India, Israel, Uruguai ou Arxentina.
En canto ás primeiras partidas, a elevada diferenza de puntos no ránking entre os opoñentes impediu sorpresas entre os grandes favoritos, que avanzan no cadro.
O torneo desenvolverase durante toda a semana, ata o vindeiro domingo 14 de agosto.