deportes

España chama a dous xuvenís do Cisne para o Campionato do Mediterráneo

Pontevedra
03 de febreiro 2022
PontevedraViva

Os laterais Marko Ojeda e Carlos Ocaña forman parte da convocatoria do combinado xuvenil para revalidar o título conseguido no 2020. Jabato, seleccionador e adestrador do Cisne, non poderá estar en Turquía a última semana de febreiro polos seus compromisos co cpnjunto pontevedrés

Partido de División Honra Prata entre Cisne e Amenabar Zarautz no Pavillón Municipal
Partido de División Honra Prata entre Cisne e Amenabar Zarautz no Pavillón Municipal / Cristina Saiz

A presenza de xogadores do Cisne nas convocatorias das categorías inferiores da Selección Española xa non é unha sorpresa. Tres cisneístas subíronse ao podio do Europeo xuvenil o pasado verán, Álvaro Preciado é un habitual nas listas do combinado júnior e agora son os xuvenís Marko Ojeda e Carlos Ocaña os elixidos para revalidar o título do Campionato do Mediterráneo.

Durante a última semana do mes de febreiro celébrase en Ankara, capital de Turquía, unha competición de grato recordo para o balonmán español, que logrou o triunfo na última edición deste torneo. 

Os elixidos para defender o título son: os porteiros Pau Panitti (KH-7 Granollers), Álvaro Pérez (Recoletas Atl. Valladolid); os centrais Petar Cikusa (Barça), Ferran Castillo (KH-7 Granollers), Javier Miñambres (Ademar León); os laterais esquerdos Ezequiel Conde (Barça), Carlos Ocaña (Cisne Colexio Los Sauces); os laterais dereitos Djordje Cikusa (Barça), Marko Ojeda (Cisne Colexio Los Sauces); os extremos esquerdos| Ian Barrufet (Barça), Alejandro Díaz (Balonmano Los Dólmenes); os extremos dereitos Xavier González (Helvetia Anaitasuna), Jorge Barroso (iKasa Balonmán Madrid); e os pivotes Josu Arzoz (Helvetia Anaitasuna), Víctor Romero (KH-7 Granollers) e Jokin Aja (Barça).

O que non estará na expedición será Jabato. O técnico do Cisne, que levou ao combinado xuvenil ata a medalla de bronce xunto ao seu compañeiro Álex Mozas, terá que ceder o seu sitio a Daniel Sánchez-Nieves, o seu predecesor no cargo, polos compromisos de ambos os técnicos cos seus respectivos clubs durante a disputa do campionato.

Os xogadores convocados están citados o xoves 16 de febreiro en Madrid, para desde alí desprazarse ata Azuqueca de Henares, que será o cuartel xeral da selección española nestes primeiros días de actividade. O domingo 20, a expedición española voará ata Ankara, onde disputarán o Campionato Mediterráneo 2022 durante toda esa semana, ata regresar o domingo 27 aos seus respectivos clubs de orixe.

Máis novidades