Os montes de Caldas de Reis foron un desafío para os ciclistas de montaña.
A segunda edición da BTT Caldas Vila Termal reuniu a 200 participantes que se enfrontaron a un percorrido completamente renovado e máis esixente que o do ano anterior.
O Club Scornabiker deseñou un trazado espectacular que incrementou notablemente o número de trialeiras —treitos de alta dificultade técnica con pendentes pronunciadas, rocas e raíces— e reduciu as pistas sinxelas.
Estes obstáculos recibiron nomes pintorescos como Pedra Filga, a de Pemán, Pataca Cortada, Pumuki ou Ratoncito Pérez, en referencia a elementos do terreo ou aos propios ciclistas.
A proba, que partiu ás 9:00 horas do Parque Xardín, ofreceu dúas modalidades: a ruta longa de 50 quilómetros con 1.500 metros de desnivel acumulado, e a media de 40 quilómetros con 1.100 metros de acumulado.
O percorrido levou aos ciclistas pola Fábrica da Luz, a contorna dos muíños e a ponte de pedra, antes de adentrarse no Monte de Santa María, onde se concentraban a maioría das trialeiras.
O tenente de alcalde e responsable de Deportes, Manuel Fariña, destacou que a proba "coloca ao municipio no mapa turístico" e contribue ao dinamismo da economía local.
"As e os participantes puideron gozar de excelentes paisaxes nunha proba con desafíos técnicos importantes", subliñou Fariña, quen xa avanza que "a BTT veu a Caldas para quedar".
