Non estarán en Tokyo, pero París 2024 aparece no horizonte como un soño non tan afastado para eles, e por iso calquera experiencia acumulada pode resultar moi valiosa.
Con esa idea o Mat's de Marín desprazouse ata a localidade inglesa de Manchester, convidados a unha concentración co equipo olímpico do Reino Unido.
Alí atópanse os deportistas Iván García e Arlet Ortiz, xunto a Pablo Patiño (Patiño Moaña) e Jesús Benito, técnico do Mat's.
Uns adestramentos de calidade dos que empaparse e de paso preparar a súa próxima participación no Campionato de España Sénior, mentres que por parte británica afinan a súa posta a punto para Tokyo.
Toda unha oportunidade para seguir mellorando para, nas súas próximas competicións, ir gañando postos no ranking dos seus respectivos pesos.
Engade Pontevedra Viva como fonte preferida de Google de balde
Mantente informado coas últimas noticias de actualidade.