O Arosa moveu ficha con rapidez para cubrir o oco deixado na liña defensiva pola grave lesión de xeonllo de Álex Freire.
O cadro arlequinado conta desde este luns nas súas filas con Diego Castro 'Fafú', futbolista de 32 anos que reforzará ata final de tempada o lateral zurdo do equipo.
Fafú, natural da Estrada, xogaba ata hai poucas semanas no Estudantil, do Preferente Norte. Antes pasou por equipos como Lalín, Santa Comba ou Estradense.
O futbolista, que non será o único reforzo dos de Vilagarcía, púxose xa ás ordes de Piscis no primeiro adestramento da semana desenvolvido no Manuel Jiménez.