O Arxil poderá seguir contando con Yanique Gordon ata final de tempada.
A pívot xamaicana, que pasa por ser a xogadora máis determinante do equipo nas estatísticas, comunicou ao club que ao fin solucionou os seus problemas de visado.
Superado o conflito, que ameazaba con terminar coa ruptura de contrato da xogadora, Yanique ten previsto chegar a Pontevedra este xoves para incorporarse aos adestramentos do equipo.
Desta forma a xamaicana poderá estar presente no choque do próximo sábado (19:30 horas) no CGTD ante o León Cuna del Parlamentarismo, tras perderse os dous primeiros partidos do ano na liga Feminina 2.