Cambios no Consello de Administración do Pontevedra Club de Fútbol.
O Boletín Oficial do Rexistro Mercantil (BORME) fixo oficial este xoves o "cesamento/dimisión" dos dous representantes do grupo opositor á actual xestión da entidade que contaban con representación no máximo órgano de decisión do club granate.
Trátase de José Luís Uhía Castro 'Piscis' e de José Luís Tilve, este último cesado no ano 2022 e que regresou ao Consello en decembro de 2024 facendo valer as accións de Inversiones y gestión alimenticia S.L., e Congelados y Conservas Marabal, S.L.
Así mesmo cesa como conselleiro suplente Jaime Berros Villarica.
Dáse a circuntancia que estes dous representantes do Consello de Administración xa non compareceron na última xunta de accionistas convocada o pasado mes de xullo na sala de prensa do Estadio Municipal de Pasarón.
Esa xunta fóra aprazada no seu momento á espera de xuízo por unha demanda do grupo opositor na que impuganaba as contas da tempada 22-23 e a ampliación de capital.
Nese encontro cos accionistas o conselleiro Enrique Mariño afirmou sobre a disputa xudicial aberta que "creo que pode ser favorable aos intereses do Pontevedra".
O club granate deberá convocar de novo aos seus accionistas en breve espazo de tempo para explicar as contas e o estado do club a 30 de xuño de 2025.