deportes

Hugo Chamadoira golea coa Selección Española Sub-15

Pontevedra
26 de novembro 2024
Diego Espiño

O dianteiro pontevedrés asinou ante México o primeiro tanto da goleada do combinado nacional. É o seu cuarto gol con España Sub-15 en só a súa segunda convocatoria na categoría

Hugo Chamadoira celebra un gol con la Selección Española Sub 14
Hugo Chamadoira celebra un gol con la Selección Española Sub 14 / RFEF

É só a súa segunda chamada coa Selección Española Sub-15, pero xa demostrou con fartura é o seu olfacto goleador.

Hugo Chamadoira abriu este martes 26 de novembro a goleada de España a México (4-0) conseguindo o que é xa o seu cuarto gol co combinado nacional sub-15.

O dianteiro pontevedrés, formado no Portero 2000 ata que en categoría infantil pasou a formar parte do RC Celta, xa anotara un hat-trick o pasado mes de outubro fronte a Gales no Torneo Desenvolvo UEFA.

Ademais no mes de maio conseguiu un dobrete no primeiro partido da historia da Selección Española Sub-14.

Neste caso, fronte a México, Chamadoira culminou unha xogada de estratexia á saída dun córner. Era o minuto 10 de xogo e aproveitou un servizo ao primeiro pau de Gorka Buil para adiantarse ao seu defensor e anotar.

Despois chegarían os goles de Álvaro Obarrio, Gorka Buil e Aitor Torondel para o 4-0 final.

No caso do pontevedrés, foi substituído no minuto 76 do partido entrando no seu lugar Carlos Sánchez.

Nesta convocatoria internacional Hugo Chamadoira afrontará outros dous encontros amigables, o día 28 fronte a Marrocos e o 1 de decembro contra Emiratos Árabes, todos eles a disputar na localidade alacantina de Alfaz de Pí.

Máis novidades